03 Active Listening

សួរស្តី! ថ្ងៃនេះ យើងរៀនពីរបៀបដែលអ្នកអាចស្តាប់ប្អូនធម៌របស់អ្នក តើអ្នកធ្លាប់និយាយអ្វីទៅនរណាម្នាក់ ប៉ុន្តែមិនស្តាប់ ហើយមិនខ្វល់ពីអ្វីដែលអ្នកនិយាយឬទេ? ប្រហែលជាគេស្តាប់ឮ ប៉ុន្តែគេមិនយកចិត្តទុកដាក់ស្តាប់ ប្រហែលជាគេមើលទូរស័ព្ទ ពេលអ្នកនិយាយ តើពេលនោះអ្នកមានអារម្មណ៍យ៉ាងណា? នៅពេលដែលអ្នកជួបប្អូនធម៌របស់អ្នក អ្នកកំពុងតែបណ្តុះសេចក្តីទុកចិត្តជាមួយពួកគេ ប៉ុន្តែប្រសិនបើអ្នកមិនស្តាប់ពួកគេ ឬក៏ធ្វើឲ្យគេគិតថាអ្នកមិនចាប់អារម្មណ៍ជាមួយពួកគេ វាអាចធ្វើឲ្យប្អូនធម៌របស់អ្នកមិនបើកចិត្តក្នុងការចែកចាយជាមួយអ្នកទេ ប៉ុន្តែ មានរឿងខ្លះដែលអ្នកអាចធ្វើបានដើម្បីឲ្យក្លាយទៅជាអ្នកស្តាប់ដ៏ល្អ និងជំរុញទឹកចិត្តប្អូនធម៌របស់អ្នកបាន នៅថ្ងៃនេះ យើងនិងបង្រៀនអ្នកមេរៀនមួយដែលហៅថា អ្នកស្តាប់ដ៏ល្អ អ្នកស្តាប់ដ៏ល្អ មានន័យថា អ្នកបានស្តាប់ពាក្យនីមួយៗ ដែលប្អូនធម៌អ្នកនិយាយដោយ យកចិត្តទុកដាក់ មានន័យថា អ្នកបានផ្ទៀងត្រចៀកស្តាប់ដោយអស់ពីចិត្ត សូមចាំថា អ្នកមិនមែនព្យាយាមជួយគាត់ដោះស្រាយបញ្ហា ឬប្រាប់គាត់ពីអ្វីដែលគាត់គួរធ្វើនោះទេ នេះមិនមែនជាការស្តាប់ដ៏ល្អនោះទេ។ ការស្តាប់ដែលល្អ គឺមានន័យថា អ្នកបានទុកពេលសម្រាប់ប្អូនធម៌ចែកចាយពីអារម្មណ៍ ឬក៏គំនិត ដោយគ្មានការ មាក់ងាយពីអ្នក ដូច្នេះយើងនិងទៅមើលបងធម៌ម្នាក់ដែលគាត់ជាអ្នកស្តាប់ដ៏ល្អ តើអ្នកឃើញថាគាត់បានធ្វើអ្វីចំពោះរាងកាយរបស់គាត់? ដំបូង គាត់ញញឹម អ្នកមិនចាំបាច់ត្រូវតែញញឹមឲ្យ រីករាយនោះទេ ទេជាពិសេសនៅពេលដែលប្អូនធម៌របស់អ្នកកំពុងតែពិបាកចិត្ត ប៉ុន្តែស្នាមញញឹមតូចមួយ បង្ហាញប្អូនធម៌របស់អ្នកថា អ្នកកំពុងស្តាប់ដោយផ្ចិតផ្ចង់ អ្នកអាចងក់ក្បាល ទៅគាត់ផងដែរ បន្ទាប់មក គាត់អង្គុយស្មើរនិងប្អូនធម៌របស់គាត់ តើអ្នកឃើញបងធម៌បានឳនចុះដើម្បីឲ្យស្មើរប្អូនធម៌របស់គាត់ឬទេ? នៅពេលដែអ្នកស្តាប់ សូមកុំឈរខ្ពស់ រួចសម្លឹងមកប្អូនធម៌របស់អ្នកដែល ទាបជាងខ្លួននោះឡើយ ផ្ទុយទៅវិញ សូមអ្នកលត់ជង្គង់ ឬក៏អង្គុយចុះ ដើម្បីឲ្យស្មើប្អូនធម៌របស់អ្នក បន្ទាប់មកគាត់ប្រើប្រាស់កាយវិការដើម្បីលើកទឹកចិត្តប្អូនធម៌របស់គាត់ មិនមែនបង្អន់ចិត្តឡើយ នៅពេលដែលអ្នកឈរឳបដៃ នោះប្អូនធម៌របស់អ្នកនឹងគិតថា អ្នកកំពុងតែខឹងនឹងគេ ឬក៏កំពុងធុញ សូមធ្វើកាយវិការដែលបង្ហាញថាអ្នកកំពុងតែស្តាប់ដោយយកចិត្តទុកដាក់ អ្នកអាចធ្វើតាមអ្វីដែលប្អូនធម៌ របស់អ្នកធ្វើ ប្រសិនបើពួកគាត់មើលទៅដូច ពិបាកចិត្ត សូមធ្វើទឹកមុខពិបាកចិត្តដូចគ្នា ប្រសិនបើពួគាត់សើចសប្បាយ សូមសើចសប្បាយជាមួយពួកគាត់ ប្រសិនបើពួកគាត់អង្គុយពែនភ្នែន សូមអង្គុយដូចពួកគាត់ ប្រសិនបើពួកគាត់ដាក់ដៃទ្រចង្កា សូមដាក់ដៃទ្រចង្កាដូចគ្នា ការទាំងនេះ និងជួយឲ្យប្អូនធម៌របស់អ្នកគិតថា យើងពិតជាស្តាប់ពិតមែន ជាចុងក្រោយ តើអ្នកឃើញថាបងធម៌នេះកំពុងតែផ្ចង់ចិត្ត ១០០ភាគរយទេ? អ្នកមិនអាចជាអ្នកស្តាប់ដ៏ល្អនោះទេ ប្រសិនអ្នកចាប់អារម្មណ៍អ្វីផ្សេងៗនោះ សូមកុំយកទូរស័ព្ទចេញ មើលនាឡិការ លេងសក់របស់អ្នក ឬឆ្កឹះក្រចករបស់អ្នកនោះទេ ការទាំងនេះ បង្ហាញប្អូនធម៌របស់អ្នកថា អ្នកខ្វល់ពីរបស់ទាំងនោះជាជាងការស្តាប់ប្អូនធម៌របស់អ្នកទៅទៀត សូមដាក់សម្រេងទូរស័ព្ទរបស់អ្នកស្ងាត់ នៅពេលដែលអ្នកជួបប្អូនធម៌របស់អ្នក ឥឡូវនេះ យើងនិងរៀនអំពីរបៀបនិយាយ ដើម្បីឲ្យក្លាយជាអ្នកស្តាប់ដ៏ល្អ ១ ចងចាំពត៌មានគ្រប់ទាំងអស់ ព្យាយាមចងចាំគ្រប់ពត៌មានដែលប្អូនធម៌របស់អ្នកបានចែកចាយជាមួយអ្នក ព្យាយាមចងចាំឈ្មោះ ទីកន្លែង ដើម្បីសួរពួកគេនៅពេលដែលពួកគេនិយាយចប់ ប្រសិនបើអ្នកត្រូវការកត់ត្រា ដើម្បីងាយស្រួលចងចាំ សូមពន្យល់ប្រាប់ប្អូនធម៌របស់ អ្នកជាមុនសិន ការចងចាំគ្រប់ពត៌មាន បង្ហាញពួកគេថា អ្នកខ្វល់ខ្វាយ ហើយស្តាប់ពួកគេដោយយក ចិត្តទុកដាក់ ២ សួរសំណួរ សំណួរដែលល្អៗ អាចឲ្យប្អូនធម៌គិតថាអ្នកកំពុងតែចាប់អារម្មណ៍នឹងការសន្ទនានេះ អ្នកអាចសួរអំពីអារម្មណ៍របស់ពួកគេ នៅពេលគិតពីអ្វីមួយ សួរសំណួរដែលល្អៗ និងជួយឲ្យអ្នកចងចាំពត៌មានល្អជាងនេះផងដែរ ៣ ផ្តល់ពត៌មានទៅប្អូនធម៌វិញ នៅពេលប្អូនធម៌របស់អ្នកចែកចាយអ្វីមួយ សូមអ្នកព្យាយាមនិយាយម្តងទៀតដូចជាអ្វីដែលគាត់និយាយ នេះអាចជាសញ្ញាឲ្យប្អូនធម៌ដឹងថា អ្នកយល់នូវអ្វីដែលពួកគេនិយាយ ឧទាហរណ៍ ថាប្អូនធម៌របស់អ្នកនិយាយថា មាននរណាម្នាក់ធ្វើបាបគាត់នៅសាលា ហើយធ្វើឲ្យគាត់ខឹង អ្នកអាចនិយាយថា មានអ្នកណាម្នាក់ធ្វើបាប្អូននៅសាលា ហើយធ្វើឲ្យប្អូនមិនសប្បាយចិត្តមែនទេ? តើអ្នកឃើញបងធម៌និយាយពត៌មាននោះម្តងទៀតទៅកាន់ប្អូនធម៌ឬទេ? យើងនិងរំលឹកចំណុចទាំង៣ ដែលអ្នកអាចធ្វើដើម្បី បង្ហាញប្អូនធម៌ថាអ្នកកំពុងស្តាប់ដោយយកចិត្តទុកដាក់ ១ ចងចាំពត៌មាន ២ សួរសំណួរ ៣ ប្រាប់ពត៌មានត្រឡប់ទៅវិញ អនុវត្តន៍ជំហ៊ានទាំងនេះ ដើម្បីឲ្យក្លាយទៅជាអ្នកស្តាប់មួយដ៏ល្អ សម្រាប់ប្អូនធម៌ មិនយូរ មិនឆាប់អ្នកនិងបង្កើន ទំនុកចិត្ត ប្អូនធម៌អ្នកនិងចាប់ផ្តើមទុកចិត្ត ហើយទៅរកអ្នកពេលពួកគេមានបញ្ហា នេះគឺជាមូលដ្ឋានគ្រិះនៃទំនាក់ទំនងដែលអាចផ្លាស់ប្តូរជីវិតរបស់ពួកគេបាន