Transcript for Jamila's parents interview (ii)

تربي الأولاد... كيف تربي أولادك؟ الأفلام اللي مش منيحة ما بنحضرها... هيك شغلات لأ، أنا أهم شي بعلّم أولادي إنه يصلوا ويصوموا... ... ويكونوا صادقين. وأعلمهن إنه مين ما يحكيهون يحكيهون باحترام. ما يتخلّق على حدا، ما يتكبر على حدا وأهم شيء إنه يكونوا إنه هن يوعى على الصح ما يوعى على الغلط. لإنه إذا ربيتي الولد على الغلط بيطلع على الغلط، وإذا ربيتيه على الصح، بيطلع على الصح. أهم شيء أنا بحب إن الولد إنه يكون مؤمن. بيصلي وبيصوم... وبيضله يقرأ قرآن. ويتعلم القرآن، لإنه... نحنا بجيلنا نحنا ما كنا نتعلمه هيدا. أنا منه علي، أنا ما معلّمة إنه... هذا الصح وهذا الغلط. ربيت على بيئة إنه... ما تعلمته حبيت إنه هلاً بنتي تتعلمه. حجبتها، صحيح إنه صغيرة إللي حجبتها هذا واجب على الدين وعلى الإسلام إنه تتحجب البنت. حجابها يكون محزوم... تاني شيء، ابني يصلي، يروح مع بيّه عالجامع. ويعرف إنه وين الغلط ووين الصح، لإنه إذا الولد ما قلتيله وين الصح ووين الغلط بيمشي على الغلط بيضله ماشي على الغلط، وحتى لازم يعلم ر فيقه. هلا فيه كتير مثلاً ولاد ما بيصلوا ليه؟ يمكن الأهالي ما بيصلوا بالبيت أنا بحب إن ولادي يطلعوا يصلوا ويصوموا ويكونوا صادقين مع الناس ويكونوا مناح مع الناس، يعني إذا شافوا مثلاً واحد بحاجة بيركضوا عليه، بيطلعوا فيه... وهيك أنا كنت إنه بتمنى يطلعوا ولادي. أنا صحيح بعرفش أقرأ وأكتب وكنت حابة إنه أنا بعرف أكتب وأقرأ، ليه؟ مش عشان أعلمهم الغلط، أعلمهم الصح، عشان أقرألهم قرآن. لما انفتح القرآن، بحس حالي إنه أنا جسمي... حابة أقرأ بس ما قدرانة، بعض الأوقات ببكي إنه ليش ما بعرف أقرأ. بعلم أولادي إنه يعرفوا وين الغلط ووين الصح - أنا صحيح عن عمر... - أمنية.... إيه، بس هلا عمر... بس بعدها عندي شغلات ما بعرفها. بنتي عم بتعلمني إياها. - عندي بنتي جميلة الكبيرة... - جميلة... بتقلي ماما هيك، ماما هيك، ماما هيك يعني قد إيه بنبسط فيها لبنتي لإنه عم بتعلمني؟ بتقلي ماما مثلاً هيدي هيك، هيدي هيك، هديكي نفس ؟؟؟ يدرس دين، عنا الدين... أنا ما بعرفه، استغربت فيها، حبيت تقلي إياه مرة واتنين. ابني كذلك الأمر. قد إيه بنتبسط الأم لما تلاقي ولادها عم بيعلموها على الدين وعلى الإسلام وعلى... عكل شي. عشان ما تعرف إنه كيف ما تمشي. أوقات مثلاً ما بصلي مثلاً، تقولي ماما إنتي ليش ما بتصلي؟ يلا تعالي صلي معنا، ما بيعرفوا إنه الظروف مثلاً، بكون مريضة. يعني فيه شغلات كثير أنا بتمنى كل الأمة الإسلامية يعلموا ولادهون عهيك الطريق لما تعلم الولد من صغره بيطلع هو كبير آه، إيه.. بعدين كمان حب الوطن، الواحد بيحب بلده وكمان أنا بحب إنه كمان أروح عالقدس، أصلي هنيك. وهني كمان أولى القبلتين... في المسجد الأقصى الله يكرمنا يا رب ونروح هناك، إن شاء الله. - إن شاء الله. - عفلسطين. هلا بدنا نحكي عن بس الحياة اليومية، مثل ما بنعرف هلا حياتكون اليومية... أنا لا بروح ولا بيجي، أنا بروح أصلي وبيجي بأقعد بالبيت وحياتنا اليومية يعني مثل أي عائلة بتعيش بروح بجيب ولادي من المدرسة، أنا بجيبهون وفي عندي دروس يعني، بيراجعوا - ومرتي بتعاونني، هدي حياتنا - بدي فيك تشرحني... بدي فيك تشرحني عم بس هيك كل اللي... اللي نحنا شفناه، امتى بتفيقوا... - لا، نحنا... - إيه، صار نفيق... لا، أنا كل يوم الساعة خمسة بوعيهن لولادي، بلبسهن، بروّقهن وأبعتهن عالمدرسة وبروح أنا عشغلي، بآخد ابني الصغير وبحطة عند واحدة مربية للساعة ثلاثة ونص بيجي كمان، بطبخ، بكنس البيت بتساعدني بنتي بالبيت. بس فيه شوية صعوبة... لأنه أوقات ولادي بيضلوا مرضا، عرفتي كيف؟ يعني... الحياة شوية صعبة عدنا. الحمد لله، فيه ناس الفضل لألله بيساعدونا هني صراحة... يعني أنا حابة إنه أحكي وما بدي يزعلوا هن أطفال الصمود، يعني هني اللي وقفوا جنبي هني ساعدوني، الأخت جميلة، الأخت زهور والمؤسسة الكبيرة تاعتهن، بتشكرها كلها أنا. لإنه أنا صراحة ما حقدر...أقدر أحكي... لحدن، إلا وحابة إنه يطلع هالحكي على هيدا التليفزيون... ليشوفوا أطفال الصمود إللي عم يتساعد هلا الأولاد يعني أنا ولادي كانوا مضروبين، كانوا يؤسا يعني بيضوا بيون بالمستشفيات، ضلوا مريض، حالة ميئوس منها إجت أطفال الصمود اتبنت لي ولادي، وبتشكر للي اتبنالي ولادي وأتشكر كتير كتير كتير للي ساعدني فيه أخت زهور والأخت جميلة كمان، هي اللي إجت لعنا عملتلنا كشف ومدت إيدها لإلنا، وكنت أنا يأسانة بحياتي كتير لا عندي عفش ولا عندي شي في بيتي هني عمرولي... صحيح بيتي إيجار، بس عمرولي بيتي بعفشهون، بحنانهون، بعطفهون علي أولادي بتحس إنه مبسوطين بيروحوا عأطفال الصمود إنه بيقولولك ماما، هني أحسن شي، يعني أنا صراحة قدمت مؤسسات كتير - وشوفي، أنا بعد... - ما حدا ساعدنا ما حدا قبل يساعدنا، بيقولولك حالي ما هيدا، حالي هيك... أنتوا فلسطينية أول كلمة بيقولولنا أنتوا فلسطينية طب الفلسطيني، صحيح هون في بلده، إحنا بنفتخر إنه فلسطينية وإلنا العز، وإلنا الكرامة وإلنا الشرف بفلسطين، ونحنا فلسطينية وأنا بربي ولادي ومستعدة أنا أقدمهم شهداء لفلسطين ليه؟ لإنه هون فلسطين الأساس بس أنا بتمنى إنه أخت زهور وأخت جميلة والمؤسسة الكبيرة اللي ما بعرفها يطول بعمرهون ويقويهون على مساعدة الخير أول شي علمولي بنتي الدبكة، يعني الناس بيقولولك إنه دبكة - بس هيدا... - تراث فلسطيني تراث فلسطيني، علمولي إنه هي فلسطينية، يمكن إحنا ما بنحكي - تراث فلسطيني - إيه ما بنقدر نحكي كتير، بس هي علموهن إن هي فلسطينية، علموهن الدبكة، علموهن الناي علموا لإبني الدبكة، يعني النشاط لإلهون... - كلهون نشاط الأولاد - روح، روح لإلهون لأولادي - بينولي إنه هني، هنوا أهلي - مهتمين فيهون كتير وهي حياتنا كل يوم عن يوم بتيجي صعوبة يعني كل واحد... مريض إبني، مريض بنتي مريض جوزي، وأنا بترك بنتي وولادي بالليل وبآخذ زوجي عالمستشفى يعني ولادي عم بيقضوها أغلبية الأيام بالليل بالبيت لو ما فيه أمان بالمخيم وأمان بأهل فلسطين وفلسطينية بالمخيم... ما بأمن أنا أترك ولدي لأنه فيه أمان وعاطينا... الرياحة يعني عارفة بسكر باب بيتي باعرف إنه فيه جارة، فيه أخت بتطل عليهون يعني ما في... ما في خوف، فيه أمان هون فيه ناس بيقولولك مخيم شتيلا، بيخافوا ييجوا على مخيم شتيلا بس هيدا مخيم شتيلا، إلهون الشرف ينزلوا عليه إلهون العزة، إنه شو؟ بيت زواريب؟ لا زواريب بس بيخافوا عبعضون، بيحنوا عبعضون، بكل شي وأنا بتمنى هالحكي كله يوصل بتمنى هالحكي كله يوصل، إنه هدا مخيم، هذا شرفنا وعزتنا، وكرامتنا مثل فلسطين هوني، هني اللي حضنونا أنا قاعدة، أنا بقلك أنا لبنانية، بس أنا بفتخر إن ولادي فلسطينية وبتمنى أقدمهون تلاتتهون شهدا لفلسطين إنتي... نحنا وقت حكينا يعني... - بعرف إنتوا انتقلتوا كثير - إيه، نقلت من بيت لبيت إيه، انتقلنا كتير، ما أجار هدا، إحنا بيتنا أجار يعني هذا البيت مش مرتاحين فيه فيه رطوبة وفيه بس... كل مرة بنقعد ببيت يا بيبيعه صاحب البيت يا بده يقعد فيه إبنه، نفسية ولادي تعبت إنه من بين لبيت، حتى نحنا تعبنا هلا أنا قاعده بهيدا البيت، ما بتعرفي صاحب البيت يقولك بدي إياه بس ما عملاقي بيت إنه مشمس مهوي لأولادي كله بالأجار، وأنا مقدرتي أكثر من 125 دولار، ما بقدر أستأجر برة فيه بيوت بس ما بقدر، وضعي ما بيسمحلي يعني أنا معاشي بأقبضه من هون بأحطة للمعلمة وأكل وشرب - غير حق الدار - حق الأدوية يعني هلا... فيه شغلات كتير الواحد بيقضيها وماشي حالنا بس فيه شغلات كتير لازم ؟؟؟ على هالولد وحابة يكون عندهون بيت كبير ولادي، حابة يكون عفشهون... يعني، فيه شغلات كتير الولد بيكون ناقصه حاب يكون عندنا بيت، يكون بيت لإلنا يعني... حابب يكون عندنا بيت لإنه مستقبل لولادي لإنه، أنا بالنسبة إلي، خلاص يعني... ولاد أطفال هدول منشان ما يتشردوا الله سبحانه وتعالى يكرمهون ؟؟؟؟ ولادنا، نقدر نأمنلون بيت نقدر نعملون، نقدر نسويلون هي بدا تعرف كيف أنتوا تعارفتوا على بعض أنا كنت أشتغل بالضاحية كنت أشتغل و... وشفتها، كانت تشتغل مندوبة، مبيعات يعني مندوبة مبيعات، فشفتها، قلتلها بدي أحكي معك قالتلي أنت... ما أنا... بقولها أنا هيك... قلتلها بدي أحكي معك ما كان تبغى، أول مرة، تاني مرة يعني شوي شوي، شوي شوي تعرفت عليها، وخدتها عبيت خالي طلعت فيه هيك، قلتلها أنا الصراحة إنه... كنت خاطب وتارك بالأول، خطبت وتركت فسبحان الله، الله بعتلي نصيبي ودرويشة فاضلة، منيحة ومستورة يعني وتعذبت لحتى أخدتها يعني صاروا شوية مشاكل، شوية صغيرة والله يسر، واتجوزنا تقريباً بأربع خمس تشهر انبسطتي؟ يعني... - يعني إنت كيف؟؟؟؟؟ - أنا صراحة ما... أول ما حكي معي ما كنت مقتنعة فيه إنه مثلاً... - مش مقتنعة - لإنه أنا مش معقولة إنه دغري فجأة... بييجي ويخطبني وهيك، لإنه عمبنشوف اللي عم بيصير قلتله بدك إياي اطلع عأهلي، ما عندي مشاكل طلع عند أهلي، اتفاجأت فيه إنه عند أهلي وصار فيه شوية اعتراضات أهلي، إنه كيف غريب وكيف بدك تأخديه وما بعرف شو وحطيت برأسي إنه خلاص بدي آخده وتاني شي كان شغل كتير خفيف هو - كيف بدك تأخديه، كيف بده يستأجر بيت - كانت يوميتي 10 آلاف والحمد لله، صار النصيب وأنا بينتلهون لأهلي إنه قد المسؤولية طلع محمد - هي ساعدتني شوية، ساعدنا بعض - تعاونا مع بعض - أهم شي التعاون - إيه، اتجوزنا، ساعدنا... - ؟؟؟ إيد واحدة - وبنينا بيت، وبنينا.. جبنا أربع أولاد إحنا حكينا كمان إنه أسرتك من قبل إذا... إذا كان فيه تردد من عيلتك إنه هن.. هو فلسطيني... كان فيه تردد، إيه، كان فيه تردد، صعوبة يعني إنه خيي، إنه أنا، بيقولي خيي مثلاً تتجوزي واحد فلسطين ما بتعرفي وين بده يكون وين أراضيه، وين هادا، من شان من مطرح لمطرح الفلسطيني ما له هوني مثلاً أرض مثلاً صحيح مستأجر، ما بتعرفي أي ساعة بيقولوله اطلع من البيت - يعني كان فيه شوية صعوبة - من أول ما اتجوزنا أجار بيت يعني كان فيه شوية صعوبة، رجع وافق، اقتنعت وقلتله أنا بدي إياه، خلاص - فلسطيني على رأسي وعيني، إنه نصيبي - هي نصيب، نصيب - نصيب كمان - سبحان الله