Transcript for Jamila's parents interview (iii)

كنا حكينا عن الماضي وهلأ بدنا نحكي ... انتو حكيتوا شوي عن المستقبل وكيف أنتو بتشوفوا مستقبلكم ومستقبل ولادكم شو بتتمنوا... - شو بنتمنى؟ إي وكيف بتشوفوا مستقبلكم أنا بتمنى يكونوا ولادي أحسن ناس...  بتمنى ولادي إنو يشتغلوا ويسافروا يعني يسافروا لبرا يشوفوا الحياة كيف، يشتغلو يأمنو مستقبلهم ويكون عندهم بيت ملك ويتعلمو، هو أهم شي العلم العلم نور، أنا هيك بعرف متل ما قال، أنا بصراحة ما بحب السفر لولادي إذا بدي يسافروا يسافروا ع فلسطين يشتغلوا ويتعلموا ويساعدوا أهل فلسطين ويأسسوا بيت، حابة يكون عندهم بيت ملك لأنو الزمن ما بيعرف شو بصير معو الواحد بيهم مريض وأنا مريضة ... الظروف حس شو بصير معو... ظروف الإنسان بس بس أنا حابة إذا بدهم يسافروا ويساعدوا أهل فلسطين لأنو فلسطين بحاجة لإلهم لأنو عم تربي جيال... يروحوا ع فلسطين نحنا ما بنقدر... هو ما قدر يروح ع فلسطين وما بيعرف فلسطين شو هي طلع منها وهو صغير بس أنا ولادي حابة يروحوا ع فلسطين والله كريم يعيشوا بفلسطين هلأ بدنا نركز على جميلة أكتر إنو إذا انتو فيكم تحكولنا شوي عن شخصيتها وشو كان... شو بتحب؟ إي إي، يعني قصصها من الولادة، مدللة ولا لأ صراحة هي أول ما خلقت تدللت، بس وعيت لأ الحمل كلو عليها، وتاني شي طموحها إنو تتعلم وتكفي علمها للنهاية وحابة إنو هي تساعدنا بس مش عارفة بأي طريقة بتقلنا ماما إنو مثلا تضلكو اعدين بهديا أجار، مثلا لو عنا بيت ملك هي بتحب يكون عندها أوضة لوحدها، عندها كمبيوتر بتحب تلعب تاخد راحتها مثلا، وبرضو إنو مو حابة تقلنا ياه هالكلام بس... إنو بتقلك إنو بابا وماما مو قدرانين طموحها كتير كبير بنتي، وبتحب النشاطات وبتحب الدروسة وبتحب الرسم... يعني في شغلات كتير بنتي محرومة منهم... بس إنو في شغلات لأ مش محرومة منهم كرمال هيك إنو حابة جميلة تكفي علمها، للنهاية يعني ما احرمها لا من علمها، وحابة إنو متل ما هي حابة إنو يكون عندها... أوضة لوحدها، ألعابها، كمبيوتر يعني تتعلم كل شي بالحياة وكيف دورها كهي أكبر وحدة يعني... - دورها بالبيت؟ - إي أنا بتكل عليها بشغلات كتير بتتشغلي بس أنا بعصب عليها كتير بصراحة بكون تعبانة أو مريضة أو هيك، بعصب عليها بس قلبها كتير طيب، يعني ما لازم كون عصبية معها بس بضطر إنو عصب إي بس حرام بتشتغل كتير بالبيت بتنظف، بتمسح... - عم نتكل عليها لأنو... - إي لأنو اتكلنا عليها بشغلات كتير يعني أوقات أخواتها الثلاثة بتنتبهلهم ما بتخليهم ينزلوا ع الشارع بتضب البيت، يعني إذا إجا حدى لعنا ضيوف بتعمل الواجب بس لكون أنا مش هون أخدة خيها عند الحكيم أو أخدة بيها... - قلبها طيب بتعين... بتكل عليها بشغلات كتير وشخصيتها... - شخصيتها قوية ،عندها قوة... هي وصغيرة لأ ما كانت هيك... بس هلأ قوة شخصيتها ومثلا جاوبتيها بدها تجاوب وما بتحب... - ما بتحب حدا يستعرلها أغراضها... - ما بتحب حدا يستعيرلها أغراضها وما بتحب حدن يمزح معها ابن الجيران إذا بيمزح معها بتصفقو بالكف ما بتحب حدن يمزح معها... - شخصيتها قوية كتير كتير وعندها طموح يعني وين ما حطيتيها بتلاقيها بتوقف يعني ما عندها خوف جريئة... - ما بنخاف عليها نحنا. - ما عندها خوف، جريئة جريئة كنا مثلا بالمدرسة... - قد حالها. يعني بتتخانق مثلا هي ورفيقتها بدها تضربها... يعني شو ما صار بدها تضربها لفريقتها، بدها تاخد حقها بتقلك إنو ليش هي عم تتطاول علي، ليش عم تعيط علي؟ ليه بتسكتوني؟ هيك بصير بيطمعو فيي، هيك تفكيرها أخر سؤال، أنت قلت من قبل إنو عندك مرض بالكبد معي Hepatitis C وفيك تشرحلنا كيف العلاج، وأنت كمان عندك الضغط أنا من شي أربع خمس سنين مرضت وصار حرارة أربعين أعدت بغيبوبة شي ثلاث أيام بالمستشفى وجابو دكتور من الجامعة الأميركية وعملولي فحوصات وما كانوا يعرفوا شو في وبعدين كان دكتوري سعيد حيدر بمستشفى حيفا وهي مرتي قالتلي، أنا ما عارف شو في أنا اللي بعرف قصتو، أول شي هو فات على مستشفى حيفا وأعد شهرين بالمستشفى ضل بغيبوبة، يعني كان كل يوم كل يوم يعطوه 15 إبرة ... - وحرارة... وما كان يعرفوا شو قصتو، كل يوم كل يوم كنا نأمنلو ياهم الإبر ويروح ما يعرف حدن، يروح بغيبوبة وحاطينو بأوضة لوحدو صار يقولولو الحكمة يعني بروح على.... مسافر ما مسافر أنا ولا مرة سافرت... - قلتلهم لأ ما سافر ولا مرة وشو إسمو، عملولي ناظور بمستشفى الساحل... قلي معك جرثومة قديمة من أنا وصغير فأخدت دوا وعلاج يعني شي بسيط يعني لأنو الإبرة بتكلف 900 ألف الإبرة حقها 900 الف وقبل ما اتعرف على الدكتور وعرف شو إشبني... عملت خزعة بالمستشفى الأميركانية، صح؟ حولتني الدكتورة وهي ساعدتني بالخزعة... المستشفى الأميركانية.... - الجامعة الأميركانية عمولوا خزعة وبين عندو هاد المرض Hepatitis C - إي المرض هادا مدمن حتى لو أخد العلاج بضلو هيدي الإبرة اللي كان ياخدها هي حقها 700 ألف بتحصر المطرح ما بينتشر بضلو بمطرحو بس هيدا عليه خطر إنو أية ساعة بينتشر أخدتها على 12 شهر... - 12 شهر أخدهم... وفي ناس تبرعولو، وحدة كويتية تبرعتلو بـ 45 مليون جبلها علبة الدوا تشوفيها؟ 45 مليون تبرعتلو، وأنا بتشركها يعني لأنها تبرعت ... لأنو رحت مؤسسات كتير ما قبلو يساعدوه لأنو هيدا العلاج مكلف لأنو كل جمعة كل جمعة لازم ياخدها الإبرة هو ما كان يعرف قصتو أول شي إنو هيك هيك مريض حبينا نخبيه عليه، حتى بعدو مش واضح إنو بيعرف لأنو أنا كنت كل متابعتي مع الحكيم أنا بس قلي الحكيم ما بتروح وإلو زمان عندو القصة بس هي جرثومة جاية من برى عملتلو ياه المرض بالكبد عرفتي كيف؟ هو سمع عنا عوارض... - بس ياخد الإبرة بصير عندو كرايز برجف... - بيرجف أي شغلة هلأ ممنوع ياكلها، في شغلات كتير ممنوع ياكلها وبس يوقف شوي على إجريه بصير عندو نقص توازن ضعف كتير وبعدو لحد هلأ إذا بدي أخدو ع الحكيم، على المستشفى... ما بيقبلو المستشفى يعطوه أي إبرة إلا ليشوفو حكيمو ومنشط للكبد، أكتر من هيك ما عم يعطوه يعني كل فترة وفترة، كل جمعة بالجمعة مرتين أو مرة باخدو عند حكيم هون في دكتور محمد حمادة صار يعرف قصتو أي حبة بندول أي حبة إلتهاب، أي دوا ممنوع عنو، ما بياخد شي إلا كيس مصل بيتعلق فيه مصل للكبد وأكتر من هيك ما في بس بتضلا العوارض بتجيه، ما إلو ترم بس قال الحكيم وضعو ما بطمن... - بصير عندي وجع من هون عالكبد، وجع إجريه وهيك هو ما عم يقدر يشرحلكم وضعو، هو بيعرف أوجاعو ... بس أنا بعرف شو بياخد لأنو أنا متابعتو من وقت ما مرض يعني خمس سنين كتير تعذبت وبعدني برضو عم اتعذب لأنو كمية الادوية اللي عم ناخدها كمية كبيرة... إلي ولولادي ولجوزي يعني أول شي الصيدلة منيح اللي متحمليتنا هي صيدلية... - صيدلية فاطمة أسعد هيدي اللي روحتوا عليها، صيدلية فاطمة أسعد أنا بتشكرها كمان لأنها وقفت جنبي، إلها معي مبلغ كبير كتير مش شوي يمكن ما حابة قولو بس مبلغ كبير، بتمنى إنو هالمبلغ ينسد كمان أطفال الصمود ساعدتني إني سدو بس عم سد من هون بتدين من هون لأنو أنا معاشي كتير قليل وأولادي بياخدوا أدوية بانتظام وتاني شي أنا باخد أدوية كتير غالية يعني بحالة أوقات بروح ع الطوارئ بالمستشفى ما بحس ع حالي مرتين كانت إجتني جلطة براسي من ورا الضغط بيطلع للـ 21، صار عندي نزيف بمناخيري كل الجلطات كانو ينزلو، الله سبحانه وتعالى خفف علي بس برضو بعدني أنا بخطر والأدوية لازم أخدها كل شهر بدي 100 ألف بس أدوية الضغط غير الأدوية اللي باخدها دائما وتاني شي ولادي عندوهم كل واحد مشكلة، كل واحد مرض الله يشفيلي ياهم لانو مرضهم مدمن على طول بضل عندهم بتمنى إنو الله يشفيلي ياهم وما يحسو بوجع لأنو... ولادي بعدهم ضغار ما بحسو الوجع شو هو ونفسيتهم تعبت لأنو عم يشوفوا بيهم بضلو مريض، بضلو تعبان حتى أوقات أعصابو بتتوتر بس يكون موجوع بيسألوني طيب بابا ليش معصب، ليش هيك؟ بحس إنو نشاطي مش متل أول... - مش متل أول حياتو مش طبيعية بقلك أنا عندي عيلة بس بدي ربيهم كيف بدي... يعني تفكيرو كمان، أنا نفسيتي تعبت أكتر منو ... لأنو أنا الحمل كلو صار علي أنا والضغط علي يعني وين جوزي؟ بجي ع البيت مثلا بكون بالشغل بلاقيه رايح باخدو فورا ع الحكيم يعني وين بدي لحق بين بيتي أو جوزي أو ولادي وما في حدن يضل معي بترك أوقات جوزي معلق مصل بالبيت وبحمل حالي وبروح بصير عقلي وين جوزي، وين ولادي، عرفتي كيف؟ كرمال هيك الحياة كتير صعبة عنا