Transcript for interview veles

Општина Велес е една од ретките општини во Македонија која

има сопствено одделение за развој на информатичка технологија.

Еден од проектите во кои учествувала е и овој проект,

каде што се наоѓаме сега, тоа е локалната градска библиотека,

односно оваа слободна интернет пристапна точка.

Она што е особено значајно во развојот на овие простори,

како слободни интернет пристапни точки или како дифузирани канцеларии,

е можноста локалното население да добие пристап до интернет

и со тоа нормално да се зголемат посакуваните знаења и вештини

и индиректно да се влијае врз конкурентноста на работната сила.

Меѓутоа има еден друг момент кој е исто така многу битен,

а тоа е како се гради довербата на релација помеѓу локална власт и граѓани.

Сите подобрувања, во кои е вклучена информатичката технологија

имаат за цел да ја подобрат транспарентноста и отчетноста,

односно да ги направат сите информации на локално ниво достапни за граѓаните.

Во услови на не така голема компјутерска писменост,

и во услови на не така висок степен на пенетрација на интернетот

помеѓу локалното население, секако клучни се знаењата,

а овие јавни простори имаат посебна улога токму во овој сегмент.

Така што, развивајќи вакви концепти и делувајќи во делот на создавањето

на простори каде што граѓаните ќе можат слободно да го користат интернетот,

директно се прави напор да се овозможи што е можно поголем пристап

до информации и на тој начин да се зголеми локалната демократија.