Transcript for Граѓанското општество ги предизвикува властите

Оана Лонгеску (ББЦ, модератор)

Дали може кратко да се презентирате? Кажете кој сте и од каде доаѓате?

Сашо Клековски (МЦМС, Република Македонија)

Доаѓам од Македонија. Денеска претпладне имавме многу добра дебата со

претседатели и пот-претседатели на парламентите од нашите земји.

Еден од главните заклучоци беше: „Не зборувајте толку со нас, зборувајте

со владите ако сакате да влијаете на законодавството во раните фази.“

Моето прашање со однесува токму на ова. Често зборуваме за парите,

поради тоа нема да зборувам за парите. Но, прашувам, како претставниците

на владите гледаат на тоа граѓанските организации да ги вклучат

во подготовката на законодавството во раните фази?

За кого е вашето прашање?

За сите воведничари.

Не треба сите да одговорите, но ако имате кратки одговори

ќе ни биде мило да ги слушнеме.

Ивица Боцевски (Заменик претседател на Република Македонија)

Сашо е мојот пријател. Бидејќи и јас потекнувам од граѓанскиот сектор

се знаеме долги години. Во овој момент во процес е регулаторна реформа

и ние сакаме секој документ да oди од владино ниво во Парламентот заедно

со оценка на влијанието на истиот. Во тоа сакаме да бидат вклучени и

граѓанските организации, уште во фазата на подготовка на законодавството.

Со реформата сакаме да го оцениме влијанието како на пазарот како и на

граѓанскиот сектор и тоа при подготовката на секој закон.

Се надевам дека ви одговорив на прашањето.